தெம்பிட்டு Recipe

தேவையான பொருட்கள்

பச்சரிசி மாவு – இரண்டு கப்

பாகு வெல்லம் – ஒரு கப் (பொடித்தது)

வறுத்த வெள்ளை எள் – ஒரு டீஸ்பூன்

தேங்காய் பல் – சிறிதளவு (நெய்யில் வறுத்தது)

ஏலக்காய் தூள் – சிறிதளவு

நெய் – 1௦௦ கிராம்


செய்முறை
வெல்லத்தில் சிறிதளவு தண்ணிர் ஊற்றி கரைத்து, கொதிக்கவிட்டு இறக்கி வடிகட்டி, மீண்டும் அடுப்பில் வைத்து நெய், பச்சரிசி மாவு, வறுத்த எள், தேங்காய் பல், ஏலக்காய் தூள் சேர்த்து கிளறி இறக்கவும்

வெங்காயம் தக்காளி தொக்கு Recipe

தேவையான பொருட்கள்

வெங்காயம் – இரண்டு (பொடியாக நறுக்கியது)

தக்காளி – இரண்டு (பொடியாக நறுக்கியது)

எண்ணெய் – ஒரு தேகரண்டி

கடுகு – அரை டீஸ்பூன்

உளுத்தம் பருப்பு – ஒரு டீஸ்பூன்

காய்ந்த மிளகாய் – இரண்டு

பூண்டு – ஆறு (பொடியாக நறுக்கியது)

கறிவேப்பில்லை – சிறிதளவு

மஞ்சள் தூள் – கால் டீஸ்பூன்

மிளகாய் தூள் – இரண்டு டீஸ்பூன்

உப்பு – தேவைகேற்ப

பெருங்காயம் – கால் டீஸ்பூன்


செய்முறை
கடாயில் எண்ணெய் ஊற்றி காய்ந்ததும் கடுகு போட்டு தாளிக்கவும்.

பிறகு, உளுத்தம் பருப்பு சேர்த்து வறுக்கவும். காய்ந்த மிளகாய், பூண்டு, கறிவேப்பில்லை, வெங்காயம், தக்காளி ஆகியவற்றை ஒவொன்றாக சேர்த்து வதக்கவும்.

மஞ்சள் தூள், மிளகாய் தூள், உப்பு சேர்த்து நன்றாக கிளறவும்.

பின், பெருங்காயம், தண்ணீர் சிறிதளவு சேர்த்து கலந்து கொதிக்கவிடவும்.

தொக்கு போல் வந்தவுடன் இறக்கி இட்லி, தோசை, நீர் தோசைவுடன் பரிமாறலாம்.

ஸ்பைசி டைமன்டு பிஸ்கேட் Recipe

தேவையான பொருட்கள்

கடலை மாவு – அரை கப்

மைதா மாவு – ஒரு கப்

பச்சரிசி மாவு – ஒரு கப்

சீரகம் – அரை டீஸ்பூன்

மிளகாய் தூள் – ஒரு தேகரண்டி

உப்பு – தேவைகேற்ப

பெருங்காயம் – கால் டீஸ்பூன்

ஓமம் – ஒரு டீஸ்பூன்

வெள்ளை எள்ளு – எட்டு டீஸ்பூன்

எண்ணெய் – தேவையான அளவு

செய்முறை
ஒரு கிண்ணத்தில் கடலை மாவு, மைதா மாவு, அரிசி மாவு, சீரகம், மிளகாய் தூள், உப்பு, பெருங்காயம், ஓமம், வெள்ளை எள்ளு ஆகியவற்றை சேர்த்து நன்றாக கலந்து சிறிதளவு தண்ணீர் ஊற்றி சப்பாத்தி மாவு போல் பிசைந்து, திக்காக திரட்டி, டைமன்டு வடிவில் சின்ன சின்னதாக வெட்டி கொள்ளவும்.

கடாயில் எண்ணெய் ஊற்றி காய்ந்ததும் அதில் போட்டு பொன்னிறமாக பொரித்து எடுக்கவும்.

ராகி களி Recipe

தேவையான பொருட்கள்

ராகி மாவு – ஒரு கப்

உப்பு – ஒரு சிட்டிகை

தண்ணீர் – ஒன்றரை கப்


செய்முறை

ஒரு பாத்திரத்தில் தண்ணீர் ஊற்றி உப்பு சேர்த்து கொதிக்கவிடவும்.

பிறகு அரை டம்ளர் கொதித்த தண்ணிரை எடுத்துவைத்துகொள்ளவும்.

பின் கொதிக்கும் தண்ணீரில் ராகி மாவு கொட்டி மூன்றுநிமிடம் கழித்து கைவிடாமல் கிளறவும்.

எடுத்துவைத்த தண்ணீர் தேவையானால் பயன்படுத்தி கொள்ளலாம்.

நன்றாக கிளறிய பின் ஐந்து நிமிடம் தட்டு போட்டு முடிவைகவும்.

இறக்கிய பின் தண்ணீர் தொட்டு உருண்டை செய்து கொள்ளவும்.

அதிகம் சுன்னாபு சத்து உள்ள டிஷ் தயார்.

காரசாரமான தக்காளி பூண்டு சட்னி செய்முறை -வீடியோ

பலவகை சட்னிகள் இந்திய சமையலறையில் தயாரிக்கப்படுகின்றன. ஒவ்வொரு வகையான உணவிற்கும் ஒவ்வொரு வகையான சட்னிகள் பறிமாறப்படுகின்றது

உதாரணமாக சமோசாவுடன் மல்லி சட்னி அல்லது புதினா சட்னியை பறிமாறுங்கள். சுவையின் வித்தியாசத்தை நீங்கள் கண்டிப்பாக உணர்வீர்கள்.

அதிலும் தக்காளி பூண்டு சட்னியின் சுவை அலாதியானது. இதன் சுவையை வார்த்தைகளால் விவரிக்க இயலாது. 

உங்களுக்கு உதவுவதற்காக நாங்கள் இங்கே அதன் செய்முறை குறிப்புகள் மற்றும் தேவையான பொருட்களை பட்டிலிட்டுள்ளோம். அதை முயற்சி செய்து பாருங்கள்.பறிமாறும் அளவு - 4 பேர்

தயாரிப்பு நேரம் - 10 நிமிடங்கள்

சமையல் நேரம் - 15 நிமிடங்கள்

தேவையான பொருட்கள்

தக்காளி - 1 கப் (நறுக்கியது) 

• பூண்டு - 1 டீஸ்பூன் (நறுக்கியது) 

• எண்ணெய் - 1 தேக்கரண்டி 

• வெங்காயத்தாள் (வெள்ளை) - ¼th கப் (நறுக்கியது) 

• காஷ்மீர் சிகப்பு மிளகாய் - 2 (நீரில் நனைத்தது மற்றும் நறுக்கியது) 

• தக்காளி கெட்ச்அப் - 1 டீஸ்பூன் 

• வெங்காயத்தாள் (பச்சை) - 1 டீஸ்பூன் (நறுக்கியது) 

• கொத்தமல்லி - 1 டீஸ்பூன் (நறுக்கியது) 

• உப்பு - தேவையான அளவு

நீர் செஸ்ட் நட் (வாட்டர் செஸ்னெட்) மற்றும் காளான் ஃப்ரை- வீடியோ

நீங்கள் ஒரு சைவ உணவுப் பிரியர் எனில் இது உங்களுக்கானது. சுவை மிகுந்த மற்றும் ஆரோக்கியமான இந்த உணவை உங்களின் குடும்பத்திற்கு வழங்கி அவர்களை ஆச்சர்யப்படுத்துங்கள். ஏனெனில் இந்த தண்ணீர் கஷ்கொட்டை(வாட்டர் செஸ்னெட்) காளான் ஃப்ரை முற்றிலும் வித்தியாசமானது. 

நீங்கள் இதை வறுத்த சில்லி சிக்கன் மசாலாவிற்கு பதிலாக ஃப்ரைட் ரைஸ் உடன் பறிமாறினால், அசைவ உணவு விரும்பிகளும் இதை அதிகம் விரும்புவார்கள். அப்புறம் உங்களுக்கு எதுவும் கிடைக்காது.

இந்த உணவின் செய்முறை மிகவும் எளிதானது மற்றும் இதற்கு தேவைப்படும் பொருட்கள் கூட உங்களுடைய உள்ளூர் சந்தையில் மிகவும் எளிதாக கிடைக்கும். 

பறிமாறும் அளவு - 4 பேர்

தயாரிப்பு நேரம் - 15 நிமிடங்கள்

சமையல் நேரம் - 20 நிமிடங்கள்

தேவையான பொருட்கள்:

1. தண்ணீர் கஷ்கொட்டை(வாட்டர் செஸ்னெட்) - 1 கப் (நான்கு பகுதிகளாக பிரிக்கப்பட்டது) 

2. பட்டன் காளான் - 1 கப் (நான்கு பகுதிகளாக பிரிக்கப்பட்டது) 

3. பச்சை மிளகாய் - 2-3 (நறுக்கியது) 

4. பூண்டு - 10 பற்கள் (நறுக்கியது) 

5. இஞ்சி - 1 துணுக்கு (நறுக்கியது) 

6. வெங்காயம் - 1 நடுத்தர அளவு (துண்டுகளாக்கப்பட்டது) 

7. சிப்பி சாஸ் - 1 டீஸ்பூன் 

8. சோயா சாஸ் - 1 டீஸ்பூன் 

9. உப்பு - தேவைக்கேற்ப 

10. சர்க்கரை - ஒரு சிட்டிகை 

11. எண்ணெய் - சமையலுக்கு தேவையான அளவு 

12. கருப்பு மிளகு - 1 தேக்கரண்டி (நசுக்கியது) 

13. வினிகர் - 1 தேக்கரண்டி 

14. சோள மாவு - 2 தேக்கரண்டி 

15. கொத்தமல்லி - 1 கொத்து (நறுக்கியது)

செயல்முறை: 

1. ஒரு கடாயை அடுப்பில் வைத்து அதில் எண்ணெய் சேர்த்து சூடாக்க வேண்டும். 

2. இப்போது, கடாயில் பச்சை மிளகாய், இஞ்சி மற்றும் பூண்டு சேர்த்து நன்கு வதக்கவும்.

3. இப்பொழுது வெங்காயத்தை சேர்த்து நன்கு வதக்கவும். வெங்காயம் வெளிர் நிறமாக வரும் வரை நன்கு வதக்கவும். 

4. வெங்காயம் வறுபட்ட பின்னர் கடாயில் காளான் மற்றும் தேவையான அளவு உப்பு சேர்க்கவும்.

5. கலவையை நன்கு கலக்கவும். காளானில் உள்ள ஈரப்பதம் உறிஞ்சப்படும் வரை நன்கு வதக்கவும். 

6. காளானின் தண்ணீர் வற்றிய பின்னர், கடாயில் நீர் கஷ்கொட்டை சேர்த்து மீண்டும் நன்கு வதக்கவும்.

7. இப்போது, உங்களின் உணவில் சாஸ் சேர்க்க வேண்டிய நேரம். கலவையில் சிப்பி சாஸ் சேர்க்கவும். அதன் பின்னர் சோயா சாஸை சிறிது சிறிதாக சேர்க்கவும். இறுதியாக சர்க்கரையை சேர்க்க மறவாதீர்கள். இது உங்களின் உணவிற்கு சிறிது இனிப்பு சுவை கொடுக்கும். 

8. இப்போது, சிறிது தண்ணீர் சேர்க்க வேண்டும். க்ரேவி பதத்திற்கு தேவையான சோள மாவை சேர்த்து நன்கு கலக்க வேண்டும்.

9. க்ரேவி நன்கு கொதித்த பின்னர் அதனுடன் நறுக்கப்பட்ட கொத்தமல்லியை சேர்க்கவும். 

10. க்ரேவி நன்கு வெந்த பின்னர் அதை நன்கு கலக்கி அடுப்பை அணைத்து விடவும்.

11. அதன் பின்னர் ஒரு தேக்கரண்டி வினிகர் மற்றும் ஒரு சிட்டிகை உப்பு சேர்த்து நன்கு கலக்கவும். 

12. இந்த க்ரேவியை ஒரு கிண்ணத்திற்கு மாற்றி அதை கொத்த மல்லி கொண்டு அழகுபடுத்தவும்.

நிமிடத்தில் எப்படி சுவையான ரவா இட்லி வீட்டிலேயே தயார் பண்ணலாம் - வீடியோ

நீங்கள் தென்னிந்திய உணவுகளின் சுவைக்கு ரசிகர் என்றால், இட்லி, நிச்சயமாக உங்களின் விருப்பத்திற்குரிய உணவாக இருக்கும். நீங்கள் ஒரு ஆரோக்கியமான காலை அல்லது மாலை சிற்றுண்டியை தேடுகின்றீர்கள் எனில் இட்லி உங்களுக்கான உணவு ஆகும்.

நீங்கள் இட்லி செய்வதற்கு அதிக நேரம் பிடிக்கும் என நினைத்தால் அந்த எண்ணத்தை மாற்றிக் கொள்ளுங்கள். இங்கே குறிப்பிடப்பட்டுள்ள ரவா இட்லி செய்முறை மிகவும் எளிதானது மற்றும் இதை மிகக் குறைந்த நேரத்தில் தயாரித்து விட முடியும்.

இதை சுமார் 10-12 நிமிடங்களில் தயாரித்து விட முடியும். காலை அல்லது மாலை நேரத்தில் நீங்கள் அவசரத்தில் இருக்கும் பொழுது, உங்களின் உறவினர்களுக்கு தேவையான உணவை தயாரிக்க இந்த ரவா இட்லி உங்களுக்கு கை கொடுக்கும்.

காலை அல்லது மதிய உணவிற்கு உங்களின் குழந்தைகளுக்கு நீங்கள் இதை தயார் செய்து கொடுக்கலாம். இது மிகவும் ஆரோக்கியமானது. எனவே இந்த எளிய ரவா இட்லியை எவ்வாறு செய்வது? அதற்கான செய்முறையைப் பற்றி தெரிந்து கொள்ள தொடர்ந்து படியுங்கள்.


பறிமாறும் அளவு - 5 இட்லி 
தயாரிப்பு நேரம் - 15 
நிமிடங்கள் சமையல் நேரம் - 10 நிமிடங்கள்

தேவையான பொருட்கள்:

இட்லி மாவுக்கு

1. ரவை - 1 கப் 
2. தயிர் - ¼ கப் 
3. கொத்தமல்லி இலை - 1 டீஸ்பூன் (நறுக்கியது) 
5. உப்பு - தேவைக்கு ஏற்ப

மற்ற பொருட்கள் 
6. எண்ணெய் - 1 தேக்கரண்டி 
7. நெய் - ½ தேக்கரண்டி 
8. உளுத்தம் பருப்பு - 1 தேக்கரண்டி 
9. கடுகு - ½ தேக்கரண்டி 
10. முந்திரி - 1 டீஸ்பூன் (உடைத்தது) 
11. சீரகம் - ½ தேக்கரண்டி 
12. கறிவேப்பிலை - 4 
13. பச்சை மிளகாய் - 2 தேக்கரண்டி (நறுக்கியது) 
14. பெருங்காயம் - ஒரு சிட்டிகை

செயல்முறை: 
1. ஒரு பெரிய கிண்ணத்தை எடுத்து அதில் ரவா, தயிர், மற்றும் உப்பு சேர்க்கவும். இப்போது, மிகவும் மெதுவாக இந்தக் கலவையுடன் தண்ணீர் சேர்த்து கட்டிகள் இல்லாமல் கலக்கவும். இந்தக் கலவை இட்லி மாவு பதத்திற்கு வரும் வரை இந்த நடைமுறையைப் பின்பற்றவும்.

2. இப்போது, தாளிதம் செய்யும் நேரம். ஒரு சிறிய கடாயை அடுப்பில் வைத்து வெப்ப மூட்டவும். அதன் பின்னர் அதில் சிறிது எண்ணெய், மற்றும் வெண்ணெய் சேர்க்கவும். எண்ணெய் சூடான பின்னர் அதில் கடுகு, உளுந்து, கறி வேப்பிலை, முந்திரி, சீரகம் மற்றும் பெருங்காயம் சேர்க்கவும். இவை அனைத்தும் பொன்னிறமாக வரும் வரை வதக்கவும்.

3. தாளித்த பொருட்கள் அனைத்தும் தயாரான உடன், இதை மாவு கலவையில் சேர்த்து நன்கு கலக்கவும். அதன் பின்னர் அதில் சிறிது தண்ணீர் தெளித்து கலக்கவும். இப்பொழுது மாவு கலவை நன்கு பொங்கி வர ஆரம்பிக்கும். அதன் பின்னர் மாவு கலவையை நன்கு கலக்கவும். 

4. இப்போது, உங்களுடைய இட்லிதட்டை எடுத்து அதில் எண்ணெய் தடவி அதில் இட்லி மாவை ஊற்றி ஆவியில் வேக வைத்து எடுக்கவும்.

5. பொதுவாக ரவா இட்லி வேக சுமார் 7-8 நிமிடங்கள் பிடிக்கும். இட்லி வெந்த பின்னர் அதை ஒரு கரண்டியால், நெம்பி இட்லியை வெளியே எடுத்து ஒரு தட்டில் வைக்கவும்.

6. இப்பொழுது உங்களுடைய சூடான ரவா இட்லி பறிமாற தயாராக உள்ளது. நீங்கள் இந்த இட்லியை சாம்பார் மற்றும் தேங்காய் சட்னி உடன் பரிமாற முடியும்.

இந்த அற்புதமான ரவா இட்லி செய்முறையை வீட்டில் முயற்சி செய்து உங்கள் நண்பர்களுடன் பகிர்ந்து கொள்ளுங்கள். இதைப் பற்றி உங்களுடைய கருத்தை எங்களுடன் பகிர்ந்து கொள்ள மறக்க வேண்டாம்.